📰 79 वा होमगार्ड वर्धापन दिन उत्साहात साजरा

धाराशिव प्रतिनिधी

धाराशिव होमगार्ड पथकाच्या वतीने 79 वा होमगार्ड वर्धापन दिन मोठ्या उत्साहात साजरा करण्यात आला. या निमित्ताने होमगार्ड कार्यालय, धाराशिव येथे वृक्षारोपणाचा कार्यक्रम राबविण्यात आला. तसेच महिला व पुरुष होमगार्ड जवान आणि मानसेवी अधिकाऱ्यांच्या सहभागातून धारासुर मर्दिनी मंदिर व परिसराची स्वच्छता करून श्रमदान करण्यात आले.

वर्धापन दिनानिमित्त शहरातून भव्य रॅली काढण्यात आली. यावेळी उपस्थितांना मार्गदर्शन करताना तालुका समादेशक श्री. सुरेश देवकुळे यांनी होमगार्ड संघटनेचे कार्य अधोरेखित केले. होमगार्ड ही मानसेवी, गणवेशधारी व शिस्तप्रिय संघटना असून कायदा व सुव्यवस्था अबाधित राखण्यासाठी पोलीस दलाच्या खांद्याला खांदा लावून कार्य करत असल्याचे त्यांनी सांगितले. पूर, भूकंप यांसारख्या नैसर्गिक आपत्तींच्या काळात मदतकार्य करण्यात होमगार्डचे योगदान मोलाचे असल्याचेही त्यांनी नमूद केले.

कार्यक्रमादरम्यान प्रशासकीय अधिकारी श्री. कवणकर साहेब यांच्या हस्ते वृक्षारोपण करण्यात आले. तसेच जिल्हा समादेशक शपकत आमना मॅडम आणि केंद्र नायक श्री. राजेंद्र आडे सर यांनी सर्व होमगार्ड जवानांना वर्धापन दिनाच्या शुभेच्छा दिल्या.

या कार्यक्रमास पथकातील 151 महिला व पुरुष होमगार्ड जवान तसेच मानसेवी अधिकारी मोठ्या संख्येने उपस्थित होते. संपूर्ण वर्धापन दिन कार्यक्रम उत्साही व उल्हासदायी वातावरणात यशस्वीपणे पार पडला.

Ramesh Itape